Zamfara Za Ta Fara Sayar Da Zinare A Ƙasashen Waje

Gwamna Bello Matawalle na jihar Zamfara ya bayyana yadda gwamnatinsa ta tanadi zinari mai kimar Naira Biliyan 5 ga abokan kasuwancinsu na kasar waje.

Zailani Bappa, mai bai wa gwamnan shawara akan yada labarai, ya bayyana hakan ga manema labarai a wata takarda a Gusau, babban birnin jihar.

Matawalle ya bayyana yadda dama yake da yarjejeniyar sayar wa wasu abokan kasuwancinsu dunkulen zinare na Naira biliyan 5 da dadewa.

Matawalle ya sanar da yadda yanzu haka suka siya kilograms 31 na zinare a wurin masu hako zinare daga kasa a jihar. A cewarsa, wannan dama ce da zasu bunkasa kudin shigar jihar Zamfara.

“Muna samun danyen zinaren ne a hannun masu hako zinare daga kasa. Muna wannan kokarin ne don tabbatar da cewa ‘yan jihar Zamfara sun amfana da ma’adanan jihar,” a cewarsa.

Gwamnan ya ce jihar zata cigaba da adana zinaren a bankuna, kuma ya tabbatar da cewa ba zai rintsa ba har sai jihar Zamfara ta bunkasa kuma ta kara kima a idon duniya.

“Matsalar da ake samu ita ce yadda imasu hako zinare ke hakowa kuma su fitar dashi kasar waje ba tare da wasu ‘yan jihar sun amfana ba.

Leave a Reply

Your email address will not be published. Required fields are marked *