‘Yan Bindiga Sun Kashe ‘Yan Banga Tare Da Yin Garkuwa Da Wasu

‘Yan bindiga sun kashe ‘yan banga tare da yin garkuwa da mutum 30 bayan sun shafe awanni suna suna tafka ta’asa a ƙaramar hukumar Nasarawa dake jihar Nasarawa.

Mazauna yankin sun ce maharan kimanin su 50 a kan babura sun tare hanyar Udege zuwa Loko na awanni inda suka kwashi mutanen a cikin daren Litinin.

Shugaban ƙaramar hukumar Muhammad Otto ya ce, ‘Yan bindigar sun kashe ‘yan banga guda biyu a kan Dutsen Onda, a kwaton-ɓaunar da suka yi wa ‘yan bangar da suka bi su domin ƙwato mutanen aka yi garkuwa da su”.

Sai dai a daidai lokacin da muke haɗa wannan rahoto bamu samu tattaunawa ASP Nansel Ramhan, wanda shi ne kakakin hukumar ‘yan sandan jihar ta Nassarawa.

Leave a Reply

Your email address will not be published. Required fields are marked *